NATURE

Test your knowledge. It´s fun and challenging.

There are 20 questions in this questionaire.Click on the right answer and count them. How many correct answers have you got?

Nature

DECÁLOGO DE BLOGUEIR@S

Este é un blogue moi persoal, onde compartimos ideas, noticias, fotos e actividades de clase.
Por iso nel deberemos ter coidado cos datos persoais e cos comentarios que facemos, xa que podemos perxudicar aos demais e a nós mesm@s.

Nesta ligazón atoparás un decálogo de boas prácticas. Segueo para que este blogue teña calidade!

VALORACIÓN DA SAÍDA AO MANDEO

O martes día 9 de Novembro fixemos un coloquio sobre a saída.
Primeiro escribimos as nosas opinións sobre a saída. A frases comenzaban así: gustoume,tería sido mellor, sorprendeume, aprendín,non me gustou...e outros máis. Logo puxémolas en común e @s profes recolleron as nosas aportacións e compartiron as súas.
Pincha aqui se queres coñecer as nosas valoracións.

O SENDEIRISMO

De Collage burbullas 1

Adicámoslle tres sesións a resumir que é o sendeirimo. Na primeira sesión dividimos a clase en catro grupos. A cada grupo os profes déronlle un texto: Que é o sendeirismo, consellos para ser bo sendeirista, consellos para ser bo naturalista e o que debemos levar cando imos facer sendeirismo.
Despois de lelos e resumilos, cada grupo fixo unha exposición oral do que aprendiu sobre o tema.
Na última sesión, fixemos unhas burbullas de cartolina nas que escribimos os consellos para ser bo sendeirista e naturalista.
Se queres coñecer a nosa síntese da informacion pincha aqui

O CICLO DA AUGA

Na clase de inglés aprendemos unha canción sobre o ciclo da auga, e na clase de naturais cantámola e fixemos un experimento sobre o ciclo da auga.

Trouxemos o material do laboratorio para a clase:

- Vaso de precipitados con auga
- Soporte con reixa
- Acendedor Bunsen
- Vidro de reloxo

Martín Mesías

COMO É O RÍO PARA TI

Esta actividade realizámola na clase de C. Sociais ao principio do curso. Nela, cada un@ de nós tiña que explicar o que significaba o río para nós, utilizando os nosos coñecementos anteriores. Aquí enlazamos con algún outro traballo.

Para mín o río é unha corrente de auga natural. Pódese aproveitar a corrente para fabricar electricidade.

Existen moitas especies de peixes nos ríos, algúns moi raros e outros en perigo de extinción. Tamén existen anfibios que precisan as augas dos ríos para vivir, como as ras e os sapos. E hai paxaros que aniñan preto dos ríos como as garzas.

Hoxe en día moitos ríso están contaminados polas industrias e outros vertidos que tiramos sen darnos conta do dano que facemos.

os ríos tamén son moi importantes para o noso tempo libre, xa que nos ríos podemos pescar, facer piragüismo, nadar ou facer sendeirismo preto ou o londo dun río.

Miguel Rey

Excursión ao Mandeo

Por fin chegou o momento de escribir no blogue...e por fin chegou o momento de coñecer aos compañeiros de Trazo, aínda que xa viramos as súas fotos (por certo, pronto mandaremos as nosas).

O día 4, recollímoslos cedo no colexio e fomos cara ao río Mandeo. Despois dunha breve presentación con Lidia, a profesora de EF, baixamos á aula de natureza e a monitora explicounos sobre a flora ,fauna, o ciclo da auga, a maqueta da zona, localizando o río .....

Ao sair da aula de natureza fomos camiñar pola beira do río Mandeo. A guía explicounnos moi ben a fauna e a flora.Vimos moitos tipos de setas: boletus,amanita muscaria...Díxonos que alí había cousas únicas como o mexillón de río e o fieto real.Os profesores explicáronnos o funcionamento dos muiños.Despois vimos as ruinas dun antigo balneario que por moito tempo foi un gran atractivo turístico.Cando chegamos a central hidroelétrica puxémonos a comer os bocadillos.

Á volta, o camiño era moi esvaradizo. Ao final todos tivemos que andar por unhas rochas que estaban á beira do río. Foi moi divertido ainda que viñemos moi cansos. Temos ganas de repetir!!!

Compañeir@s de Ponte Carreira

O PRI? QUE É O PRI?

Despois de case dous meses de escola xa entendemos o que é o PRI. Por iso fixemos este vídeo no que vos explicamos en que consiste esta materia, como traballamos na clase, as materias que participan e o que facemos.
Gravámolo na nosa aula.
Animádevos a velo!

Indentificación de Especies

En Chelo, ao saír da aula de natureza, fixemos un itinerario medioambiental acompañad@s por unha monitora que nos axudou a identificar algunhas das especies que atopamos polo camiño. Esperamos que esta presentación sirva para refrescar a vosa memoria.

THE WATER CYCLE

Unha canción moi divertida sobre a auga. Se queres aprender mellor a letra, preme aquí.

No bus a Chelo

Ver EN BUS A CHELO en un mapa más grande

ONDE ESTABA MARTÍN MESÍAS?

Ao achegarse o día dos mortos, fenómenos estraños ocorren, incluso na web.
Trasgos, bruxas e fadas comezan a bailar. Aparecen e desaparecen obxectos ou mudan de lugar. Tal debeu de ser o que aconteceu co retrato que fixen de Martín Mesías, que misteriosamente, desapareceu da presentación de fotos do día que saímos para a observación do contorno. Algún trasgo atrevido debeu agachalo para burlarse de nós.
Publícoo agora illado para remediar tan desafortunado incidente, confiando que algo tan desagradable non volva suceder.

SENDERISMO POLO RÍO MANDEO

A mestra de naturais o xoves 28 de outubro, deunos un folleto que dixo que íamos levar o día da saída ao río Mandeo. Colocounos a tod@s sentados no chan, ao redor do mural do río que pintamos na clase de plástica; íamos lendo cada un de nós un parágrafo, e foinos explicando todo o que podíamos ver; moitas das cousas que explicaba xa estaban pegadas no noso río feito en plástica, porque eran os recortes que nos dera a profesora para que pegaramos onde quixeramos.
Sacounos unha foto lendo o folleto, pero non pensedes que estabamos tan formais, e que como non cabiamos tod@s colocámosnos adrede.





O folleto ímolo levar con nós. Pero o máis divertido é que para que non nos estorbe e no teñamos que levar todo o tempo as mans ocupadas, encártase e gárdase nun peto.

No vídeo vese como hai que encartalo

Open publication - Free publishing - More folleto

ECOSISTEMAS

A mestra de naturais o mércores 27 de outubro, entrou na clase, viu o río que debuxáramos na clase de plástica e púxose moi contenta porque as fotos que pegamos xunto o noso río eran cousas que íamos ver no itinerario polo río Mandeo.

Explicounos que nese río había moita biodiversidade(moita clases de seres vivos).E que esa biodiversidade pertencía a un ecosistema.

Entón explicounos que un ecosistema "é un lugar onde hai unhas condición ambientais determinadas: unha temperatura, humidade, luminosidade etc. e nese lugar conviven moitas clases de seres vivos: os animais( incluído o ser humano) e os vexetais; e tamén os seres inorgánicos, (non vivos) coma os minerais, aire, lume e auga".




O primeiro que escriba en comentarios despois de ver o video o que é poboación e habitat, póñolle un positivo. Ánimo!!!, que sobe a nota!!!

DEBUXAMOS UN RÍO

Na clase de plástica a mestra colocou sete folios un a continuación do outro, e por parellas fomos pintando o perfil dun río. Cando tiñamos debuxado o perfil mandounos sentar e cada parella debuxou o que quixo no seu tramo, e logo pintámolo.

Na seguinte clase trouxo unhas fotografías recortadas de animais, plantas, un muíño, unha central eléctrica etc, e mandounas pegar na parte do río que cada un quixera

Quedou así de chulo¡¡

Vista panorámica:

Detalle a detalle:

Open publication - Free publishing - More rio

CLASIFICACIÓN E EXPOSICIÓN

Como xa comentamos, o martes na clase de naturais cubrimos o caderno de prácticas, e o mércores fixemos un mural para clasificar as cousas que recollimos de camiño ó regato e fixemos unha pequena exposición con todo o material clasificado.

SAÍDA AO CONTORNO

O día da saída ao contorno, luns día 18, levamos un caderno con normas para ser un b@ naturalist@ e tamén para escribir as nosas observacións.

O martes na clase de naturais fixemos as actividades do final do caderno. Cada un de nós tiña o seu, pero aquí móstrase a metade do caderno de Miguel e a outra metade do caderno de Raquel, porque todos ocuparían moito.

Open publication - Free publishing - More saida

RUTA POLO RÍO MANDEO

O xoves 4 de Novembro @s alumn@s de Viaño e Pontecarreira realizaremos xuntos unha ruta de sendeirismo ao longo do Mandeo. Primeiro visitaremos a aula de natureza de Chelo e comezaremos cun itinerario guiado, despois ...a seguir o camiño con todos os nosos sentidos atentos, xa que hai moito que ver, oir, ulir, sentir...
Podemos ver o percorrido (pero só se utilizamos internet explorer).

OBSERVACION DO CONTORNO

Con esta presentación de fotos queremos que nos coñezan @s nos@s compañeir@s de Ponte Carreira. As fotos sacáronse durante a saída que fixemos o luns 18. Nesta saída puxemos en práctica o método científico. Fixemos un pequeno percorrido polo contorno do colexio que leva a un regato que hai cerca do campo de fútbol. Levamos algúns utensilios que nos axudaron na nosa observación da natureza: caderno e lapis, cámara de fotos, luvas e unha bolsa para recoller mostras, paleta, cinta métrica… A mestra díxonos que tiñamos que preparar ben os nosos sentidos e que tiñamos que apuntar as nosas impresións, como nos sentiamos, os sons, os animais e plantas e o que nos chamou a atención.

Limpando un río a Bolazos

Esta foto ilustra unha curiosa noticia que saía publicada Na Voz de Galicia onte domingo, e que ten relación coa rexenereción do río Carboeiro que desauga no Tambre na vila de Sigüeiro. Se queredes saber de que vai a cousa, na que ademais participaron escolares de alí podedes ler a noticia completa aquí
Estaría ben saber algo mais sobre o que é iso do EM-Dango.

O Método Científico

A mestra de Naturais un dous primeiros dias de escola, entrou na clase e fíxonos un xogo:

Mandounos saír dá clase e mentres ela cambiou algunhas cousa de sitio. Logo, mandounos entrar e ir ía apuntando nun papel as cousas que criamos ela mudara de lugar.
Con este xogo ela quería saber se éramos bos observadores, pois é unha dás calidades que hai que ter para ser un bo cientif@

Explicounos porque naceran as Ciencias: grazas a persoas que tiñan moita curiosidade por saber todo sobre o mundo que nos rodea. Estas persoas son os científic@s, e contounos que algúns, mesmo puxeron en perigo a súa vida por defender as súas ideas.

Tamén nos deu unha lista de científicos e científicas para que nós buscásemos información sobre as súas investigacións nas enciclopedias, internet etc. e así soubemos moitas cousas sobre os seus descubrimentos.

Vimos claro tamén que para chegar a eses descubrimentos, antes, os científic@s tiveron que facerse moitas preguntas, e unha vez feitas, para poder contestalas tiveron que seguir un modelo, un método, este modelo chámase “Método científico”.

FASES DO MÉTODO CIENTÍFICO:

• Observación: fase na que se considera un problema ou unha pregunta.
  
• Formular unha hipótese: unha hipótese ben sendo unha suposición, unha explicación teórica .
  
• Experimentación: demóstrase mediante probas prácticas que a hipótese é acertada ou non.
  
• Conclusión: Despois de comprobar moitas veces que os experimentos se repiten sempre dá mesma maneira, a hipótese xa esta comprobada, e entón, elabórase unha Conclusión en forma de teoría ou lei.
  
• Finalmente comunícanse os resultados para o beneficio de todo o mundo.
  
  E por último ensinounos un vídeo de "You Tube" na que un científico chegou a conclusión despois de facer experimentos que a auga salgada era un bo condutor eléctrico.
  
  Aquí poñemos o enlace ao vídeo:
  
  http://vodpod.com/watch/3267389-el-mtodo-cientfico-beakman
  
  Cristina e Damián

Queres comprobar as túas dotes como observador, observadora?. Pois busca as 7 diferenzas nas dúas ilustracións a ver se eres capaz de atopalas. A menos tempo mellor científic@.

O ANAINAR DO AMAR

Antes de nada, Parabens, polo nome do blogue!: “O ANAINAR DO TAMBRE”

O primeiro que fixen foi coller un dicionario e busquei o verbo “anainar”, e lin:

Anainar: v.a. acariciar, arrolar maternalmente con cariño de Nai // arrolar con palabras agarimosas e tranquilizadoras

Gústame o verbo“anainar” porque:

• O río arrólanos co seu son coma se nos coñecese desde sempre, a nós e a todas as cousas, e sen esperar nada a cambio.

• O río, deixa que os peixes o penetren e vivan no seu interior ofrecéndolle a súa inmensidade, tanto é así que os peixes o navegan e viven de el, pero o descoñecen.

• O río é sereno, pero tamén entraña o poder e a tempestade.

• O río anaina a todo e a todos sen pretensións, sen xuízos, sen valoracións. Por algo será que a fonética de “Anainar” teña que ver coa da palabra “Amar”.

Poderíamos pois, dicir:

O río,”O anainar do amar”, así de directo e fácil, porque o río se o tratamos ben,

AMA.

Benvid@s

Damos a benvida ao alumnado de Ponte Carreira e de Trazo a O Anainar do Tambre. Con este blogue creamos un espazo no que compartir todas as actividades, reflexións, imaxes e traballos de investigación que realicemos sobre o río Tambre. Agardamos as vosas achegas e comentarios.